aidia36
На граблях, как на батуте (с)
Æргом ныхас цы у? Цы у рæстдзинад?
Куыд равзарон, зæгъма, æз раст фæндаг?
Ды дæ нырыккон, ивгъуыд æмæ суинаг,
Мæ уарзт, мæ рухс, мæ зæрдæйы сæйраг.

Мæнæн æнæ дау нæй зæххыл сæрибар,
Мæнæн æнæ дау улæфын дæр нæй,
Кæрæдзийæ мах нал уыдзыстæм хибар,
Æз нал базондзнæн хицæнæй дæуæй.

Æз фенхъæлын, ды ме'нкъарæнтæй хъазыс,
Мæ ныхæстыл иу ахудыс æрмæст,
Мæ зардайы цыргъ кард мын иу ныссадзыс.
Æргом ныхас дæ агурын, мæ цæст!

Æргом ныхас... Бæргæ мын æй куы зæгъис!
Уæд, чи зоны, нæм амонд дæр уыдзæн.
Ды дæ мæ уарзт, мæ цин æмæ мæ фæдис,
Мæ уд дæума кæддæриддæр тырндзæн.